Hawiye iyagaa is jabiyay

Beesha Hawiye iyagaa is jabiyey ee beesha Darood kagama adkaan doorasho, xilka Madaxweynaha Somaliyana iyagaa is dhaafiya markasta, in eedda Daarood, Dir, Digil iyo Mirif ama Soomaali kale la saaraa waa liidnimo iyo qiiq isku qarin dan kaleeto laga leeyahay.

Falanqeyn Keydmedia Online
Hawiye iyagaa is jabiyay

1. 1960 Adan Cabdille Cusman, Adan Cadde ayaa Soomaali oo mid ah u doorteen Madaxweynihii u horeeyey ee Jamhuuriyada Soomaaliya.

2. 1967 Somali ayaa markale u codeeysay, Adan Cadde laakiinse Mudanayaashii Hawiye ayaa ka hiiliyey oo codkoodii siiyey Cabdirashid Cali Sharmaake.

3. 1969 General Siyaad Barre markii uu inqilaabka ku qabsanayey Somaliya, saraakiil badan oo Somali ah ayaa ka diiday abaabulkiisii, balse saraakiil Hawiye ahaa sida Salaad Gabeyre, Galaal, Kulmiye ayaa la saftay, waxyar ka dibna qaarkood waa laayey, kuwana xirxiray. Fashilaad iyo hoog ayaa ku dhacay Somali oo dhan muddo 21 sano ah. Fashil

4. 1991 kolkii Somalidii ku shirtay Jabuuti ay dhamaantood u doorteen Madaxweyne Cali Mahdi Maxamed isagoon Jabuuti joogin oo Muqdisho ku sugan, waxaa Madaxnimadiisii ka hor yimid Hawiye uu hogaaminayo Gen. Maxamed Farah Caydiid. Fashil.

5. 2000 Shirkii Carta, Jabuuti waxaa dadkii Somaliyeed ee halkaas ku shiray ay markaleeto siiyeen codadkoodii 2 nin oo Hawiye ah Cabdullahi Cadaw iyo Cabdiqasim Salaad, si midkood xal uga keeno dhibaatada Somaliya siiba Caasimada Muqdisho oo hogaamiye kooxeedyo Hawiye u dhashay ay kala qobqobteen. Fashil.

6. 2004 Shirkii Mbakaati, Kenya waxay Hawiye diideen Cabdiqasim Salaad, Cabdullahi Cadaw iyo Maxamed Qanyare oo Madaxweynanimo u tartamayey, waxayna Hawiye badankood codkoodii siiyeen Cabdullahi Yusuf. Fashil

7. 2009 Somali oo isku duuban, waxay markaleeto ku doorteen Jabuuti Madaxwryne Shiikh Sharif Shiikh Axmed si xal loogu helo kacdoonkii diinta ee Islaamiga ahaa, siiba hareeyey Muqdisho. Waxaa dawladaas ka hor yimid siyaasiyiintii Hawiye iyo kuwii diinta ku qaraabanayey sida hogamiyihii haraagii Maxkamadaha Islaamiga Sh. Xasan Dahir Aweys. Fashil.

8. 2012 waxaa Somali u kala codeeysay 2 nin oo Mudulood Hawiye ah, waxaana ay u dooratay Madaxweyne Xasan Shiikh Maxamuud.

9. 2017, Hawiye waxay u rideen si aqlabiyad ah Madaxweyne Xasan Shiikh Maxamuud, halkaasna u doorteen Madaxweyne Maxamed Cabdullahi Farmaajo, Xamarna laga bilaabay qaylo iyo taageero tii Kacaankii oo kale ah FARMAAJO NOO GEEYA. Khatar cusub.

10. Doorashada 2021/22 beesha Hawiye oo dhaqaale, aqoon iyo awood haysataa waxaa kursiga Madaxweynaha u taagan 12 hogaamiye oo musharixiin ah ayna ku jiraan 2dii Madaxweyne ee Somaliya tan iyo 2009-2017, Shiikh Sharif Sh. Axmed iyo Xasan Shiikh Maxamud. 

Hadaan Hawiye hogaamiyaashooda siyaasadeed isu tanaasulin oo ayna hal ama labo qof ku midoobin miyaanay muqaan in ay xilka Madaxweyne waayi doonaan? In eedda Daarood, Dir, Digil iyo Mirif ama Soomaali kaleeto la saaraa waa liidnimo iyo qiiq isku qarin dan kaleeto laga leeyahay.




Falanqeyn 24 November 2021 12:02

Ugu horreyn waxaa muhiim ah in hoosta laga xariiqo in sharciyan macnaha hadalka Xeer Ilaaliyaha MCQS uusan aheyn in eedeysanayaasha NISA ee kiiska Ikram Tahlil Faarax oo la la’yahay uusan aheyn inaysan aheyn dambiilayaal (not guilty). Go’aanka  dambiga ma gelin (not guilty) waxaa iska leh Maxkamadda.