Exclusive: Wareysi aan la yeelanay Nin kasoo goostay Al-Shabaab - Qeybta 2-aad

Keydmedia Exclusive - Aqrisatayaal waxan idiin soo gudbineynaa Wareysigii aann la yeelanay Maxamuud Hilaac Qeybtiisi Labaad ( Halkaan ka Aqriso Qeybta 1aad - ) oo ka tirsanaa Dagaalyahanada Kooxda Shabaab oo ka sheekeenaya Noloshiisa Labadii Sano ee uu kamid ahaa Kooxdasi, hadana ey ka Muqato Qoomameyn iyo Walaac xoog leh.
Maqaallo Keydmedia Online

KEYDMEDIA: Hadii aad Kooxda Shabaab Dhaqaale Owgeed ugu soo biirtay oo hada Dhul iyo Baabuur aad leedahay, Maxaa kaa soo saaray???

Maxamuud Hilaac: Saaxiib Nafsadeyda ayaan u baqay, kuwa aniga ila mid ahaa ayaan qaar kamid ah Gacanteyda ku duugay.

KEYDMEDIA: Oo Yaa ka baqeysay?

Maxamuud Hilaac: Dhexdayada iyo kuwa naga soo horjeedaba... khatar baan ka filaayay...

KEYDMEDIA: Dhexdiina hadii aad Shabaab tihiinbaa?

Maxamuud Hilaac: Haa, Marmar ayaa lagu fuli Amar aadan ku qanacsaneyn, hadii aadan fulinnah adiga ayaa lagugu fulinayaa.

KEYDMEDIA: Maxaa kamid ahaa Amaradaas?

Maxamuud Hilaac: Waa kuu sheegay waxey la xariireyn Howlgaladii aan fulin jirnay.

KEYDMEDIA: "Operation" aad fulisay ama aad wax ka fulisay oo si fiican idinku najaxday, wax manooga sheegi kartaa?

Maxamuud Hilaac: Kii Qaraxii Airaportka iyo Qaraxyo kale...

KEYDMEDIA: Haye, kuwa kalenah? Goormee ahaayeen? Xageesa ka dhaceen?

Maxamuud Hilaac: Anigu midkaas Airportka ayaan idiin sheegay.

KEYDMEDIA: Maxamuud, horta Nin Dhalinyaro waad tahay laaakiin Aniga 20 Jir waa igala weyntahay, hadaan marka Qofahaantaada ku Su'aalo: Ma ogtahay Qaraxaas aad sheegatay ee Airportka ka dhacay iney Dad Masaakiin ah oo Tuugsanahahay ee ku Nafwaayeen?

Maxamuud Hilaac: Walaahi Aniga ma garanaayo wixii ku nafwaayay, Amarkaas baa anagu fulineynay.

KEYDMEDIA: Radio-yaha ma ka maqashay in Dad Masaakiin ah ey ku Nafwaayeen Qaraxaas ama Qaraxyadii kale ee aad fuliseen?

Maxamuud Hilaac: Anaku Radio-yaal ma dhageysano.

KEYDMEDIA: Oo ma garankarit miyaa in Dad ey ku dhinteen Qaraxyadaas?

Maxamuud Hilaac: Haa waan garankaraa waana mida aan hada u go'aansaday in aan idinla hadlo, waxaan uga soo baxay, waxaa kamid ah: Amaradaas oo kale oo hadii aadan fulin adiga naftaada Halis galeyso hadii aad fulusidnah aad Walaac iyo Qoomame ku nooshahay.

KEYDMEDIA: Waxaad noo sheegtay inaad Labo Sano kamid aheyd Kooxda Shabaab. Labadaas Sano ma fursad baad weyday aad uga soo baxdid?

Maxamuud Hilaac: Saaxiib Meesha waa la is ilaaliyaa oo Amniyaadka, Amniyaad kale ayaa daba socda. Meel markaas aan u baxsadanah hada kahor ma helin.

KEYDMEDIA: Walaac iyo Qoomame ayaad ka hadashay, waa hadal weyn. Habeenkii markaad seexatit miyuu kugu badanyahay Walaaca iyo Qoomamuhu mise intaad soo jeedid.

Maxamuud Hilaac: Walaahi iima xisaabsanah laakiin Walaac waa jiraa...

KEYDMEDIA: Dareenkaagu see yahay hada?

Maxamuud Hilaac: Waa Dareen Taxadar joogta ah Marmarka qaarkoodnah waxaa ii uraahaya Dhiig!

KEYDMEDIA: Oo Dhiigu ma Uraa? Urkee buu leeyahay?

Maxamuud Hilaac: Walaahi aniga Maar baa inta badan ii urtah.

Maxamuud Hilaac Horudhiccii Wareysigiisi intaas buu ku egyahay, Waxaana soo socda Film Documentry oo ku saabsan Wareysiga oo kaamil ah.

www.keydmedia.net




Maqaallo 5 March 2021 0:52

Akhriso Qeybtii koowaad ee Qormadda - Sooyaal saxaafadeedkani waa sheeko-cilmiyeed lagu lafa-gurayo saxaafadda guud iyo tan gaar ahaaneed ee waddankeenna soomaaliyeed, tani waa qormadda Jimcadda ee arimaha Bulshada, Diinta & Suugaanta ee Keydmedia Online.