16 xubnood oo qaban-qaabinaya xuska maalmaha xoriyadda?

Ra’iisul Wasaaraha XFS Maxamed Xuseen Rooble ayaa guddi ka kooban 16 xubnood u magacaabay qabanqaabada xuska sanad-guurada 62-aad ee maalmaha xorriyadda ee 26-ka Juun iyo 1-da Luulyo.

News Keydmedia Online
16 xubnood oo qaban-qaabinaya xuska maalmaha xoriyadda?

MUQDISHO, Soomaaliya – Ra’iisul Wasaaraha Xukuumadda Xil-gaarsiinta Maxamed Xuseen Rooble, ayaa magacaabay Guddi Qaban-qaabinaya Xuska Sanad Guurada 62-aad ee ka soo wareegtay markii dalku xornimada ka qaatay gumeystihii Ingiriiska iyo Talyaaniga 26-kii Juunyo iyo 14-kii Luuliyo 1960-kii.

Howsha guddigaan ayaa ku eg marka ay munaasabaduhu dhammaadaan, waxa ayna kala yihiin; 1- Cusmaan Abuukar Dubbe, 2- C/llaahi Max'ed Nuur 3. C/qaadir Max'ed Nuur, 4- Durraan Axmd Faarax, 5- C/raxmaan Ducaale Beyle, 6- Xamza Saciid Xamza, 7- Marwo Khadija Max'ed Diiriye, 8- Xasan Xuseen Xaaji.

9. C/wahaab Ugaas Xuseen, 10- Shugri Maxamuud Afrax, 11- Cumar Max'ud Maxamed, 12- Xuseen Sheekh Maxamuud 13. Maxamed Ibraahim Nuur 14- Amiina Axmed Samatar, 15- Hinda Axmed Cali iyo 16- Bashiir Axmed Cusmaan, waxayna xubnahaan u badan yihiin Wasiirro ka tirsan Xukuumadda xilka ka sii degeysa.

Sidoo kale Guddoomiyaha Gobolka Banaadir, Agaasimaha Madaxtooyada, Xoghayaha Joogtada Xafiiska Ra'iisul Wasaaraha, Agaasimaha Xoghaynada & Keydinta Qoraallada ee Xafiiska Ra'iisul Wasaaraha, Agaasimaha Habmaamuuska Xafiiska Madaxweynaha iyo xubno kale ayaa ku jira guddiga qaban-qaabada.

SHAQADA GUDDIGA

  1. In ay qaban-qaabiyaan xuska maalmaha xorriyadda 26 Juun iyo kowda Luuliyo.
  2. In ay si siman u xiriiriyaan hay'adaha qaybta ku leh qaban-qaabada maalinta Xorriyadda iyo midnimada Soomaaliyeed.
  3. In ay jaan-gooyaan kharashaadka ku baxaya xuska maalmaha xorriyadda.
  4. In ay magacaabaan guddi-hoosaad farsamo ee abaabulka maalmaha xorriyadda.
  5. In ay sugaan amniga goobaha kala duwan ee lagu qabanayo munaasabadaha 26-ka Juun iyo 14 Luuliyo 2022.
  6. In ay kormeeraan sida ay u socdaan hawlaha guddi-hoosaadka farsamo ee abaabulka munaasabadaha Qaran ee todobaadka xorriyadda.

Soomaaliya waxay gobonimada ka qaadatay gumeystihii Ingiriiska iyo Talyaaniga, maalmo isxigxigay; goboladda waqooyiga oo aheyd 26-ka Juun iyo koofurta oo ku beegneyd 1-da Luulyo, halkaas oo markii ay Soomaalidii waqooyiga xornimada heleen ay la midoobeen walaalahoodii kale, kadibna lasoo dhisay dawlad dimuqraaddinimo ku saleysan.

KEYDMEDIA ONLINE

Commenting is not available in this channel entry.
News 1 July 2022 19:42

The directorate said that even with the resumption of the Somali market, they are still targeting European countries, which in 2014 banned the crop after it was classified as a drug.