Ahlu-suna oo dhaliishay Go’aankii Shariif Xasan

DHUUSAMAREEB(KEYDMEDIA) Culimada ahlu-suna oo ka mid ah dhinacyada ku lugta leh siyaasadda Soomaaliya ayaa waxa ay ficil qaldan oo laga xumaado ku tilmaameen go’aankii shariif xasan uu ugu kordhiyay baarlamaanka 3 sano.

Warar Keydmedia Online
8 February 2011

Gudoomiyaha golaha dhexe Shiik Cumar C.qaadir Aadan oo warbaahinta la hadlay ayaa sheegay in culimada ay go’aankaasi ka horjeedo waxaana uu beesha caalamka ka dalbaday in ay is hortaag ku sameyso ficilkaasi kali talisnimo ee uu ku dhaqaaqay Shariif Xasan.

Go’aanka ay 3-sano ku korarsadeen Baarlamaanka ayaa mucaarada la kulmiyay tan iyo markii lagu dhawaaqay waxaana taasi ay muujineysaa sida shacabka Soomaaliyeed iyo dhamaan dadka danaha gaarka ah ka leh Soomaaliya ay ka niyad jabeen.

Ilaa iyo hadda wax fal celin ah oo ku aadan dhaliisha go’aankiisa loo jeedinayo kama soo yeerin Shariif Xasan waxaana uu ku suganyahay Dalka Jabuuti.

www.keydmedia.net