Al-Shabab oo la wareegaty Ceeldheere

Kooxda Al-Shabab ayaa xalay markale gudaha u soo galay degaanka Ceeldheere oo u dhaxeeya Guriceel iyo Dhuusamareeb oo ka tirsan Gobalka Galgaduud.

Warar Keydmedia Online
Al-Shabab oo la wareegaty Ceeldheere

CEELDHEERE, Soomaaliya - Kooxda Alshabaab ayaa xalay saqdii dhexe gudaha u galay magaalada Ceeldheere iyaga oo an la kulmin wax dagaal ah.

Sida dadka degaanku wariyeen, Al-Shabaab waxa ay afduubteen gaari magaalada Dhuusamareeb u socoday iyo 3 qof oo la socotay.

Kooxda Al-Shabaab oo sidoo kale xalay jid-gooyo dhigtay afaaf-ka hore ee magaalada Dhuusamareeb ayaa isaga baxay degaanka saaka arooti.

Ciidamada booliska ayaa magaalada kusoo laabtay, waxaana saldhigga magaalada kula kacday miino ay goobta ku diyaariyeen Al-shabaab.

Labo kamid ah askarta Booliska ayuu dhaawac soo gaaray iyadoo loo qaaday magaalada Dhuusamareeb.

Wax ka yar Soddon cisho, waaa markii saddexaad oo Kooxda Al-Shabaab la wareegto gacan ku heynta degaanka Ceeldheere, halkaas oo ay dhibaato u geystaan dadka Shacabka ah.

Al-Shabaab ayaa dhaq-dhaqaaqyo xoogan ka wada degaanada Galmudug tan iyo dhamaadkii Sanadki hore, dagaal xoogan oo la isaga kicinayo ayaana hadda ka bilaawday gobolka Mudug.

KEYDMEDIA ONLINE

Commenting is not available in this channel entry.