Al-Shabaab oo Weerar ku qaaday Ciidamada Itoobiya

Kooxda Al-Shabaab ayla sheegay in ay weerar ku qaadeen fariisin ay Ciidamada Itoobiya ku suganyihiin.

Warar Keydmedia Online
Al-Shabaab oo Weerar ku qaaday Ciidamada Itoobiya

Muqdisho, Soomaaliya - Wararka laga helayo gobolka Hiiraan ee bartamaha Soomaaliya, gaar ahaan deegaanka Halgan ayaa sheegaya in dagaalyahano katirsan Al-Shabaab ay xalay weerar ku qaadeen fariisin ay Ciidamada Itoobiya ku suganyihiin.

Dagaalka oo Saacado qaatay ayaa la sheegayaa in la isku adeegsaday hubka culus,  iyadoo markii dambe iskiisa u qaboobay, waxaana lagu soo waramayaa in uu khasaaro dhaliyay, wallow aan si rasmi ah loo ogeyn tirada rasmiga ah.

Ciidamada Itoobiya ee qeybta ka ah AMISOM ayaa saaka baaritaano sameeyay agagaarka deegaanka, waxaana xusid mudan in weli labada dhinac aysan faah-faahin ka bixin khasaaraha ka dhashay dagaalka xalaya ka dhacay deegaanka Halgan.

KEYDMEDIA ONLINE

    Commenting is not available in this channel entry.