Alshabaab oo bilowday nooc cusub oo dil ah

MUQDISHO(KEYDMEDIA) kooxda Shabaab oo looga bartay dilal iyo gawrac ayaa soo dhigtay isgoyska Sanca ee Magaalada Muqdisho meydka nin ay maskaxda ka saareen.

Warar Keydmedia Online
27 June 2011

Meydka ninkan ayaa shabaab waxa ay soo raaciyeen warqad digniin ah oo ay ku sheegayaan in ay sidan oo kale maskaxda uga saari doonaan cid walba oo ay u arkaan in ay ku kacdo fal aanay shabaab RAALI ka aheyn.

Dadka deegaanka ayaa arintan walaac badan ka muujiyay, waxaana Alshabaabku ay is hortaageen in la aaso meydka ninkaasi iyagoo dadka ku qasbyayay in ay meydka daawadaan oo kaliya.

Dad badan oo deegaanka ah ayaa dhibaato caafimaad la kulmay kolkii ay arkeen meydka ruuxa arxan darada loo dilay.

WWW.KEYDMEDIA.NET