Askari katirsan Ciidanka DF oo dil lagu xukumay

Maxakamadda ayaa xukunsanaha u ogolaatay fursad uu ku furan karo Rafcaan muddo 30 cisho ah.

Warar Keydmedia Online
Askari katirsan Ciidanka DF oo dil lagu xukumay

MUQDISHO, Soomaaliya - Cumar Muxudiin Maxamuud oo ah Seddax Xarigle katirsan Ciidanka xoogga dalka, ayay Maxakamadda Ciidamada Qalabka Sida ku xukuntay Dil toogasho ah kadib markii uu ku cadaadey dembiga inuu dilay Cabdullaahi Maxamed Xasan.

Askariaga ayaa dilka ka geystay agagaarka Wasaaraddii hore ee Caafimaadka ee Dagmada Boondheere ,Gobolka Banaadir 20-kii September sanadkii tagey ee 2020.

Xafiiska Xeer Ilaalinta ayaa Maxakamadda hor keenay Saddex Marqaati oo goobjoog u ahaa markii uu falka dilka ah dhacayay iyo warqadda cadeynta dhimashada iyo baarista Boliiska saldhiga Degmada Boondheere.

Maxakamadda ayaa siisay Askariga fursad uu ku furan karo Rafcaan muddo 30 cisho ah.

KEYDMEDIA ONLINE

Commenting is not available in this channel entry.