Bam-gacmeed Xalay Lagu Tuuray Saldhiga Kismaayo

Kismaayo (KON)- Saldhiga Magaalada Kismaayo ee xarunta gobbolka Jubbada Hoose ayaa xalay lagu weeraray qarax Bam-baano, ayadoo qaraxaasina uu warar kala duwan ka soo baxaayo.
Warar Keydmedia Online
Bam-gacmeed Xalay Lagu Tuuray Saldhiga Kismaayo

Saldhiga la weeraray ayaa waxaa fariisimo ku leh Ciidamada Dowladda Soomaaliya iyo kuwa Kooxda Raaskaambooni, waxaana jira khasaare dhaawac oo ka dhashay qaraxaasi.

C/naasir Seeraar ayaa KON u sheegay in Bamkaasi ay soo tuureen Maleeshiyaad uu ku sheegay dhar cad oo ka tirsan Maleeshiyaadkii Shabaab ee la wiiqay awoodii ay ku lahaayeen Jubbooyinka.

Qaraxyada lala beegsado fariisimaha Ciidamada Dowladda ee Kismaayo ayaa imaanaya xili labadii maalmood ee la soo dhaafay ay Ciidamada Dowladda iyo kuwa Raaskaambooni ay howlgallo ballaaran ka wadeen xaafadaha ay ka koobantahay magaalada Kismaayo.

Keydmedia Online -Xafiiska, Kismaayo