Galmudug: Bannaanbaxayaal lagu xiray Guriceel

Hooyooyin dhigayay bannaanbax ay ku dalbanayaan in war rasmi ah laga siiyo caruurtooda la askariyeeyay ee loo qaaday Eratariya ayaa lagu xir-xiray degmada Guriceel ee gobolka Galgaduud

Warar Keydmedia Online
Galmudug: Bannaanbaxayaal lagu xiray Guriceel

GURICEEL, Soomaaliya - Hooyooyin bannaanbax ka dhigayay Degmada Guriceel oo ka tirsan Galmudug ayaa la xir-xiray kaddib markii Ciidamaa ammaanka ay isku dayeen in ay kala diraan balse ka dhago-adeegay.

Xasaradda ka dhalatay dhalinyarada la sheegay in ay ku geeriyodeen dalka Itoobiya iyagoo ka qeyb qaadanaya bur-burint maamulkii TPLF ayaa cirka isku shareertay, iyadoo dowladda Soomaaliya aysan soo bandhigin caddeymo muujinaya inay wiilasha la qalday ay nool yihiin, si waalidiintooda ugu qancaan.

Haweenka bannaanbaxa isugu yimid ayey Ciidamada magaalada Guriceel xireen, iyagoo dalbanayay in Carruurtooda dib loogu soo celiyo, haddii ay nool yihiin, haddii ay dhinteena loo sheego war ay ku qancaan.

KEYDMEDIA ONLINE

Commenting is not available in this channel entry.