Beledweyne oo markale biyo ku fatahay

Fatahaad sanadkii tagey uu wabiga Shabeellaha ka sameeyay magalaadda ayaa ku barakacay qoysas badan, iyadoo uu geystay khasaaro hantiyeed iyo mid nafeed.

Warar Keydmedia Online
Beledweyne oo markale biyo ku fatahay

BELEDWEYNE - Saraakiisha magaaladda Beledweyne ee xarunta gobolka Hiiraan ayaa sheegay in Wabiga Shabeelle uu ku fatahay Xaafad Xaawo-Taawo, waxaana laga cabsi qabaa inay biyaha gaaraan goobo kale.

Qoysas dhowr ah ayaa u baraacay maanta dhanka wali aan fatahaadda gaarin. Wabiga ayaa qararka jabsaday kadib markii uu buux-dhaafiyay maadaama lagu jiro xili roobaadka, sidoo kalena dhanka Itoobiya biyo badan ka imaanayaan.

Maamulka gobolka ayaa sameeyay dedaallo aan ku filnayn daboolista baahiyaha jira, oo ay ka mid tahay biyo xireen in lagu sameeyay meelaha loo malaynayo inuu wabiga kasoo fatahayo.

KEYDMEDIA ONLINE

    Commenting is not available in this channel entry.