Ciidamada AMISOM oo dad Rayid ah ku Xasuuqay Shabeelaha Hoose

Muqdisho (KON) - Wararka ka imaanaya gobalka Shabeelaha Hoose ayaa sheegaya in ciidamada AMISOM ay dad rayid ah ku dileen halkaasi.

Warar Keydmedia Online
15 January 2013

Wararka ayaa sheegaya in ciidamada AMISOM ay ku qaldameen dad rayid ah oo degan deegaanka Jiira Yaashiin oo ku dhow deegaanka Leego ee gobalka Shabeelaha Hoose.
 
Rasaas ay ciidamada AMISOM ku fureen dadkaan ayaa la sheegay in ilaa iyo Sagaal ruux ay ku geeriyoodeen halka ay ku dhaawacmeen 12-ruux oo kale.
 
Dad deegaanka ah ayaa Keydmedia Online u sheegay in dadkaan dhamaantood ay ahaayeen dad shacab ah, oo aanan koox ka tirsanayn.
 
Ilaa iyo iminka ma jirto faah faahin intaan ka badan oo la xariirta arintaan sidoo kalana kama aysan hadlin ilaa iyo iminka arintaan saraakiisha AMISOM.

Keydmedia Online - Xafiiska Muqdisho