Ciidamo gadoodsan oo Galmudug ku soo bandhigay dhoola-tus

Xubno ka tirsan Ciidanka Daraawiishta Galmudug oo shalay ka gadoodey Gaaska Dhaan-karoone ee Degmada Galinsoor ayaa Saakay warbaahinta u shegay in gadood-koodu uu salka ku hayo raadinta xaq iyaga ka maqan sida ay sheegeen.

Warar Keydmedia Online
Ciidamo gadoodsan oo Galmudug ku soo bandhigay dhoola-tus

GALINSOOR, Soomaaliya -  Ciidankan godoodsan ayaa Dowladda Galmudug ku eedeeyay in ay ka waayeen mushaarkii ay xaqa u lahaayeen isla markaana ay sugayeen dhowr-kii bilood ee lasoo dhaafay.

Ciidankaan oo wata gaadiidka dagaalka iyo hub culus ayaa shalay lasoo wariyay in ay jid-gooyo dhifteen Magaalada Galinsoor.

Askar-tan Gadoodsan ayaa saakay Galinsoor ku soo Bandhigay Dhoolatus ciidan, waxayna Sheegeen in aysan wadada ka tagi doonin inta ay helayaan xuquuqda ay leeyihiin.

Tan iyo Markii Qoor-qoor uu noqday Madaxweynaha Galmudug waxaa faraha ka baxay Amniga iyo xasiloonida maamulkaas, xalay oo ayayna ahayd markii deeganada Tuulo-xoosh oo Mudug ka tirsan iyo Ceeldheere oo Galgaduud ka mid ah ay kooxda Al-shabaab weeraro ku qaadeen.

KEYDMEDIA ONLINE

Commenting is not available in this channel entry.