Dablay Muqdisho ku dishay Askari ka tirsanaa Ciidanka KMG

Muqdishu (Keydmedia) - Kooxo ku hubaysana Bastoolado ayaa xalay waxa ay ku dileen Gudaha degmada Xamar-jadiid ee gobolka Banaadir Nin la sheegay inuu ka tirsanaa Ciidamada Nabad sugida dowladda KMG ee Soomaaliya.

Warar Keydmedia Online
28 February 2012

Askariga la dilay oo Magaciisa lagu soo gaabiyay Kamaal ayaa Dadka deegaanka waxa ay sheegeen in Kooxaha hubaysnaa ay ku Toogteen xalay Fiidkii hore Meel lagu caweeyo oo ku taalla  degmada Xamar-jadiid,iyadoo raggii dilka geestay ay Goobta isaga baxsadeen dilka kadib.

Ciidamo ka tirsan dowladda KMG ah ayaa waxa ay isku geedaameen Goobta uu falka ka dhacay kuwaasi oo halkaasi ka sameeyay baaritaano ku aadan Cidda ka dambeysa dalkaasi,mana jirto Cid loo soo qabtay dilkaasi illaa hadda.

 Maalmihii lasoo dhaafay ayaa waxa dad kor u dhaafaya Sadex ruux oo rayid ahaa siyaabo kala duwan loogu dilay degmada Wadajir ee gobolka Banaadir, iyadoo Ciidamada dowladda ee degmadaasi ay ku guul daraysteen wax ka qabashada falalkaasi Amni darri ee loo laablaabaty.

Keydmedia.net