Dagaal kharaar oo ka socda degaanka Wisil ee gobolka Mudug

Kooxda Al-Shabaab ayaa saakay weerar ku billawday qarax ismiidaamin ah ku qaaday degaanka Wisil oo dhaca gobolka Mudug ee bartamaha Somaaliya.

Warar Keydmedia Online
Dagaal kharaar oo ka socda degaanka Wisil ee gobolka Mudug

WIISIL, Soomaaliya – Wararka ka imaanaya Mudug ayaa sheegay in saaka dadka ku dhaqan degaanka Wisil ay ku waabaristeen dhawaqa qarax xoogan oo loo adegsaday gaari walxaha qarxa lagu soo raray oo uu waday qof nati-hallige ah, kaas o isku qarxiyay albaabka xero ciidamada Galmudug ku leeyihiin magaalada.

Qaraxa waxaa xigay dagaal qaraar oo saacado qaatay kaas oo dhex maray ciidamada Galmudug iyo Al-Shabaab, waxaana la soo warinayaaa qasaaro xooggan, halka wali la maqlayo dhawaqa rasaasta.

Warbaahinta ku hadasha afka Al-Shabaab ayaa sheegtay in dagaalka ay ku geeriyoodeen in ka badan 30 askari oo ka tirsan ciidamada dowladda Federaalka gaar ahaan qaybta 21-aad iyo kuwa Galmudug.

Hayeeshee, dadka degaanka ayaa sheegaya in ciidamadu iska caabiyeen kooxdii weerarka soo qaatay, kana saareen Magaalada, halka maamulka Galmudug aysan wali ka hadlin weerarkaan.

Wisil waxa ay ka mid tahay degaannada aysan wali tagin kooxda Al-Shabaab, inkastoo billowgii bishii Ramadaan ay guud ahaan la wareegeen degaanka Bacaadwene oo isna dhaca Mudug.

KEYDMEDIA ONLINE

Commenting is not available in this channel entry.