Deni oo cafi u fidiyay 66 maxbuus oo ku xiran xabsiyada Puntland

Madaxweynaha dowlad goboleedka Puntland Siciid Cabdullaahi Deni aya Cafis madaxweyne u fidiyay 66 maxbuus oo ku xirnaa xabsiyada maamulkaasi.

Warar Keydmedia Online
Deni oo cafi u fidiyay 66 maxbuus oo ku xiran xabsiyada Puntland

GAROWE, Soomaaliya - Madaxweynaha dowlad goboleedka Puntland Siciid Cabdullaahi Deni aya cafis madaxweyne u fidiyay 66 maxbuus oo ku xirnaa xabsiyada kala duwan ee dowlad goboleedka Puntland.

Madaxweyn Deni ayaa soo saaray Xeer Madaxweyne Lr. 13 kuna saabsan Cafis Guud oo uu u fidiyey 66 maxbuus oo ka mid ah maxaabiista ku xiran xabsiyada Dowlad goboleedka Puntland.

"Madaxweynaha Dowlad goboleedka Puntland Markuu arkay: Dastuurka Dowladda Puntland Qodobkiisa 80 -aad farqadasiisa 11 -aad. Markuu tixgeliyey: Talo soo jeedinta wasiirka cadaaladda, arrimaha diinta iyo dhaqan celinta.

Wuxuu xeeriyey:

  1. Waxaa cafis guud loo fidiyey fadliga bisha barakeysan ee Ramaddan iyo xaalada caafimaad ee caabuqa Covid-19 awgeed 66 maxbuus oo ku kala xiran xabsiyada Puntland. Xeerkani wuxuu dhaqan gelayaa markuu Madaxweynuhu saxiixo, wuuna saxiixay.

Cafiska madaxweynaha ayaa kusoo aadaya toddobaad kaddib markii ay dhalatay bisha barakeysan ee Ramadaan, waxaana inta badan bisha Ramadaan loo fidiyaa cafis maxaabiista ku xiran Xabsiyada ee dambiyada yar-yar loo soo xiray.

KEYDMEDIA ONLINE

Commenting is not available in this channel entry.
Warar 6 May 2021 9:42

Dhowrkii sano ee ugu dambeeyay, dad lagu qiyaasay 2.6 million oo baaralay u badan ayaa kasoo barakacay degaanadooda ku yaalla labada gobolka ee caanka ku ah Beeraha [Shabeellaha Hoose iyo Shabeellaha Dhexe].