Dhaqdhaqaaqyo ciidan oo laga dareemayo Guriceel

Shacabka ku dhaqan Guriceel, ayaa saaka ka cabsi qaba, gacan ka hadal ciidan, kadib markii ciidamo Dowladda soo dul degeen magaalada.

Warar Keydmedia Online
Dhaqdhaqaaqyo ciidan oo laga dareemayo Guriceel

GURICEEL, Soomaaliya – Wararka naga soo gaaraya magaalada Guriceel ee Gobolka Galgaduud, ayaa sheegaya in saaka Dhuusamareeb iyo Guriceel, laga dareemay dhaqdhaqaaqyo ciidan, oo ay wadaan ciidamada Galmudug iyo kuwa Dowladda Federaalka oo dhinac ah iyo Koox diimeedka ASWJ, oo jimcihii na weydaartay la wareegay gacan ku heynta degmooyinka Matabaan, Guriceel iyo Ceeldheere.

Warar laga helayo Xarunta Maamulka Galmudug ee Dhuusamareeb, ayaa sheegaya in ciidamo xooggan oo lagu sheegay cutubyadii ugu horeeyay ee Ciidamada Dowladda iyo kuwa Galmudug oo ay wehliyaan madaxda Maamulka Guriceel ee Galmudug, ay saaka fariisimo ka sameysteen degaanno dhaca waqooyiga Gureceel.

Tallaabadas, ayaa dhalisay in dhinaca Ahlu-sunna, si weyn looga dareemo diyaar-garow ciidan, kuwaas oo ka cabsi qaba in dagaallo xooggan looga fara-maroojiyo degaannada ay dib u qabsadeen.

Shacabka ayaa dareemaya wal-wal xooggan, dad ku sugan degaanka oo la hadlay Keydmedia Online, ayaa sheegaya in xilli kasta loo toog hayo, gacan ka hadal ciidan, kaas oo in badan laga digay.

Dhamaadki bishii hore, ayay ahayd, markii dagaal xooggan oo u dhaxeeya Ciidamada Xoogga Dalka iyo kuwa Galmudug oo is kaashanaya iyo Ciidamo tabacsan hoggaanka Culimada Ahlu-sunna Wal-jamaaca, oo dhawaan dib isku abaabulay uu ka dhacay degaanka Bohol, oo qiyaastii 30km dhanka waqooyi ka xiga Dhuusamareeb.

Ciidamadii ugu badnaa oo ka tirsan Xooga Dalka iyo booliska loo yaqaan Haramcad ayaa maalmihii lasoo dhaafay la geeyay Dhuusamareeb, waxaana dib boorka looga jafay ciidamada Qaybta 21-ad ee Xoogga, kuwaas oo fadhigoodu yahay degaannada Maamulka.

KEYDMEDIA ONLINE

Commenting is not available in this channel entry.
Warar 24 October 2021 7:50

Wadaadka xiriirka xooggan la leh kooxo diimeed ka jira Iran, Shaakir, wuxuu ku soo duulay degaan nabad ah oo nidaam dowladnimo iyo kala danbeyn amni ku naalloonaya, wuxuuna muddo dheer oo kataabo garbaha u surnaayeen kadib cagta saaray jidkii Xasan Dhaahir Aweys, ee qori kursi ku doonka ahaa.