Dibadbaxyo Maalintii labaad ka soconaya Laascaanood

Maamulka gobolka Sool oo arintaan ku soo baxay ayaa isku dayaya in uu wax ka qabto cabashada gaadiidleyda banaanbaxyada dhigaya.

Warar Keydmedia Online
Dibadbaxyo Maalintii labaad ka soconaya Laascaanood

LAASCAANOOD, Soomaaliya – Waxaa maalintii labaad Magaalada Laas-caanood ee xarunta gobolka Sool ka soconaya banaanbaxyo rabshado wata, oo ay dhigayaan wadayaasha ku shaqeysta Gaadidka loo yaqaan Mooto Bajaajka.

Mudaharaadyada ayaa bilowday shalay kadib markii Ciidamada Booliska xireen qaar katirsan wadayaasha Mooto Bajaabka ee aan heysan Ruqsadda wadista Gaadiid ee License-ka.

Darawalada Mooto Bajaajka ayaa ku andacoonaya in aysan heysan dhaqaalo ay ku jartaan License-ka, iyagoo sheegay in maamulka lacagta uu ku kordhiyay, taasoo aysan awoodin inay iska bixiyaan, maadaama dhaqaalaha soo galaya uu aad u yaryahay.

Dibadbaxyadaan ayaa sababay in ay xirmaan Ganacsiga magaalada, waxaana Waddooyinka soconaya dadweyne careysan, kuwaasoo taageero uu muujinaya darawalada Mooto Bajaajta oo cabashada ka ah maamulka.

KEYDMEDIA ONLINE

    Commenting is not available in this channel entry.
    Warar 25 September 2020 4:10

    Bajaajlayaasha waxaa la dilaa iyaga oo bixinaya canshuurtii dowladda, waana cadaalad daridda ka jirta Muqdisho sida uu Farmaajo xilka ula wareegay oo ku kalliftay dhalinyarro badan in ay gabi ahaamba dalka isaga tagaan.