Diplomaasi ku baaqay in laga hortago kaligii-taliye Farmaajo

Kani Torun ayaa noqday Safiirka Turkiga ee Soomaaliya xiligii dowladdii Xasan Sheekh.

Warar Keydmedia Online
Diplomaasi ku baaqay in laga hortago kaligii-taliye Farmaajo

MUQDISHO, Soomaaliya - Diblomaasi sare oo u dhashay Turkiga ayaa ka digay qorshoolka Farmaajo, isagoo ugu baaqay shacabka inay ka hortagaan kaligii-taliye iyo dagaal ka dhacay dalka Soomaaliya.

"Digniinta hoggaamiyaha Puntland waa inay noqotaa baaq baraarujin ah oo loogu talagalay Beesha Caalamka. Afrika uma baahna kaligii taliye kale ama dagaal sokeeye oo dhiig badan ku daato. Beesha Caalamka waa inay dhaqso wax uga qabataa inta ay goori goor tahay," ayuu yiri Kani Torun, safiirkii hore ee Turkiga u fadhiya Muqdisho xiligii dowladii Xasan Sheekh.

Hadalkiisa wuxuu yimid kadib markii Madaxweynaha Puntland Saciid Deni uu sheegay in Farmaajo uu doonayo in dalka uu xoog ku qabsado, isagoo adeegsanaya awoodda Ciidanka uu Turkiga tababaray ee Gorgor iyo Haram-cad.

Farmaajo ayaa Villa Somalia si fadhiya, xukunkana haysta iyadoo uu dhamaaday mudo-xileedkiisa afarta sano Feb 8, waxaana mucaaradka ay wadaan kacdoon shacab oo lagu dalbanayo in doorasho la qabto.

KEYDMEDIA ONLINE

Commenting is not available in this channel entry.
Warar 20 February 2021 1:45

Safaaradda Mareykanka ayaa sheegtay in dad gaaraya 20 qof ay ku dhimatay dagaalka Muqdisho, inkastoo macluumadka ay Keydmedia Online haleysa sheegaya in ku dhawaad 60 qof ay ku dhinteen.