Diyaarado Dagaalka oo Xalay Duqeeyay Fariisimaha Shabaab Ee Buulo-gaduud

Kismayo (KON)- Diyaaradaha dagalka ee Dowladda Kenya ayaa xalay duqeyn xooggan u geystay fariisimo ay Maleeshiyaadka kooxda Shabaab ay ku leeyihiin degaanka Buulo-gaduud oo qiyaastii 30KM dhanka waqooyi kaga beegan magaalada Kismaayo ee xarunta gobbolka Jubbada Hoose.
Warar Keydmedia Online
Diyaarado Dagaalka oo Xalay Duqeeyay Fariisimaha Shabaab Ee Buulo-gaduud

Deegaanka la duqeeyay ee Buulo-gaduud waxaa maalmihii la soo dhaafay isku abaabulayay maleeshiyaadka Shabaab kuwaasoo qorsheynayay weerar ay ku soo qaadaan difaacyada Ciidamada huwnata ah ee duleedka magaalada Kismaayo.

Macada ilaa hadda khasaaraha ka dhashay duqeyntaasi, balse goobjoogayaal ku sugan deeganka Buulo-gaduud ee la duqeeyay ayaa Keydmedia Online u sheegay in ilaa labo diyaaradaha nooca dagaalka ah ay gantaalo la dhaceen fariisimaha ay Shabaab ku leeyihiin Buulo-gaduud.

Sida na loo sheegay ma jiro wax khasaare ah oo soo gaaray dadka rayidka ah ee ku nool deegaanka Buulo-gaduud, mana jirto cid ilaa hadda ka hadashay duqeyntaasi xalay ka dhacday deegaankaasi.

Keydmedia Online, Xafiiska, Kismaayo




Warar 20 February 2021 1:45

Safaaradda Mareykanka ayaa sheegtay in dad gaaraya 20 qof ay ku dhimatay dagaalka Muqdisho, inkastoo macluumadka ay Keydmedia Online haleysa sheegaya in ku dhawaad 60 qof ay ku dhinteen.