Dowladda Sudan oo isku qaladay Farmaajo iyo Xasan Sheekh

Xukumadda Sudan, ee uu hoggaamiyo Cabdullaahi Xamduuk, ayaa si la yaab leh isugu qaladay sawiradda Madaxweynayaal soo maray Soomaaliya.

Warar Keydmedia Online
Dowladda Sudan oo isku qaladay Farmaajo iyo Xasan Sheekh

KHARTUUM, Sudan - Ra’iisul Wasaaraha dalka Suudaan, Cabdullaahi Xamduuk, ayaa dhawaan qadka taleefanka kula xariiray qaar ka mid ah hoggaamiyayaasha geeska Africa, sida Ismaaciil Cumar Geelle, Madaxweynaha Jabuuti, Maxamed Cabdullahi Farmaajo, Madaxweynaha mudadii sharciga ahayd ka idlaatay ee Soomaaliya, Salafakir Mayardit, Madaxweynaha South Sudan iyo Raiisul Wasaaraha Itoobiya Abiy Ahmed, waxuuna kala hadlay arrimo la xariira ilaalinta xasiloonida gobolka.

Hayeeshee, Xafiiska Ra’isalwasaaraha Suudaan, ayaa si khaldan u baahiyay sawirka Madaxweynihii hore ee Soomaaliya Xasan Sheekh Maxamuud, oo lagu dul qoray magaca Maxamed Cabdullahi Farmaajo, kaas oo la xusay in isagaa iyo Xamduuk, uu dhex maray wada hadal dhanka taleefanka ah.

Sikastaba, xaafiiska Ra’iisul Wasaaraha ee warbaahinta ayaa daqiiqado kooban kadib, dib u tirtiray sawirkii Madaxweyne Xasan, oo ay ku sheegeen inuu yahay Farmaajo, mana jiro wax raalli galin ah oo ay ka bixiyeen ilaa hadda.

Xukuumadaha Khartuum iyo Muqdisho, waxaa ka dhexeeya xiriir diblumaasiyadeed oo soo jireen ah wana labo dal oo ka wada tirsan Dowladha Geeska Afrika iyoo Ururka IGAD, layaaab ayayna shucuubta labada dal ku noqotay in Xaafiiska RW Cabdullaahi Xamduuk, isku qaldo sawirada Farmaajo iyo Xasan Sheekh.

KEYDMEDIA ONLINE

Commenting is not available in this channel entry.
Warar 20 September 2021 18:56

Khabiir amni ayaa ku doodaya in loo baahan yahay in la furo baariska dilkii Injineer Yariisow, si xal loogu helo, xaaladda cakiran ee la xariirta baarista kiiska Ikraan Tahliil Faarax, iyo saraakisha kale ee NISA.