Faah faahin: Ciidanka DFS iyo Al-shabaab oo ku dagaallamay Galgaduud

Dagaalkaan ayaa ahaa mid aad u xooggan oo hub culus la isku adeegsaday.

Warar Keydmedia Online
Faah faahin: Ciidanka DFS iyo Al-shabaab oo ku dagaallamay Galgaduud

Dagaal u dhaxeeya ciidanka dowladda federaalka Soomaaliya iyo kuwa Al-shabaab ayaa maanta ka dhacay deegaanka Bulacle ee gobolka Galgaduud.

Ciidanka DFS ayaa la sheegay in weerar ay u qaadeen deegaankan oo ay ku sugnaayeen xubno Al-shabaab ah, waxaana halkaasi ka dhacay dagaal ka dhashay khasaare dhimasho iyo dhaawac isugu jirta.

Saraakiisha ciidanka xoogga dalka ee Galgaduud ayaa sheegay in dagaalkaasi ku dileen xubno ka mid ah Al-shabaab, sidoo kalena ay saanad ciidan qabsadeen.

Dhanka Al-shabaab wax war ah kama aanay bixin dagaalladan, waxaana xaaladdu hadda ay tahay mid deggan.

Ciidanka dowladda federaalka Soomaaliya ayaa howlgal ciidan ka wada deegaanno ka tirsan gobolka Galgaduud, kadib markii Al-shabaab ay xoojiyeen weerarada ka dhanka ah DFS iyo Galmudug.

KEYDMEDIA ONLINE

Commenting is not available in this channel entry.