Fahfaahin: Qarax ka dhacay Beledweyne [Sawirro]

Lama oga cida ka dambeysa qaraxa, oo la rumeysan yahay in xubno la shaqeeya Al-Shabaab ay galiyeen qaraxa gudaha saldhigga booliska.

Warar Keydmedia Online
Fahfaahin: Qarax ka dhacay Beledweyne [Sawirro]

BELEDWEYNE, Soomaaliya - Qarax miino ayaa Maanta ka dhacay gudaha saldhigga Booliska Beledweyne, kaasoo ka dhashay khasaarooyin isagu jira dhimasho iyo dhaawac.

Inta la xaqiijiyay labo qof ayaa ku dhimatay qaraxa lagu aasay maqaayadda ku dhex taalla saldhigga Booliska, kuwaasoo kala ah duqii degmada Feerfeer Khaliif Muumin Garaad iyo haweenaydii lahayd Maqaayadda.

Waxaa ku dhaawacsay dhowr qof oo ay kamid yihiin taliyaha Saldhigga Booliska Maxamed Qoorsheel iyo gudoomiyaha Feerfeer Mahad Maxamed Xasan, kuwaasoo la dhigay Isbitaalka.

Ma jirto cid sheegatay mas'uuliyadda qaraxa, oo kusoo aadaya xili Beledweyne u diyaar-garoobaysay qabashada doorashadda Aqalka Hoose, oo khilaaf ka taagnaa gobolka Hiiraan.

Hoos ka daawo Sawiradda:

KEYDMEDIA ONLINE

Commenting is not available in this channel entry.
Warar 6 December 2021 18:32

Boobkii doorashada ee sababay dilkii MW Soomaaliya iyo isku dhajintii xukunka ee keentay burburka dalka ayuu Farmaajo dib u soo celiyay, wuxuu diiddan yahay banneynta xaafiiska iyo hirgalinta doorasho xalaal ah.