Gaari lagu rasaaseeyay Sh/Dhexe

Gaariga rakaabka ah ayaa la sheegay in uu ka soo baxay degmada Jowhar, islamarkaana kusoo jeeday Muqdisho, markii ay askarta rasaasta ku furayeen.

Warar Keydmedia Online
13 October 2020

JOWHAR, Soomaaliya - Askar katirsan dawladda ayaa rasaas ku furtay Gaari rakaab ah oo ku safarayay inta u dhaxaysa Jowhar iyo Balcad, oo kawada tirsan gobolka Shabeellaha Dhexe, iyadoo aan la ogeyn sababta, balse loo maleynayo inay shacabka dhici rabeen.

Inta la xaqiijiyay waxaa geeriyootay laba qof oo ka mid ahaa dadkii la socday gaarigaas, halka seddax kalena ay ku dhaawacmeen rasaasta. Gaarigan ayaa saakay kasoo baxay Jowhar, wuxuuna kusoo jeeday Muqdisho.

KEYDMEDIA ONLINE