Ganacsigii degaanno katirsan Hiiraan oo hakad galay

Beledweyne (Keydmedia) - Wararka laga helayo deegaannada Halgan iyo Waab-weyne oo hoos taga gobalka Hiiraan ee bartamaha dalka Soomaaliya ayaa waxaa xaqiijinayaan in ganacsigii deegaanadaasi uu maanta gabi ahaanba joogsaday.
Warar Keydmedia Online
Ganacsigii degaanno katirsan Hiiraan oo hakad galay

Wararka ayaa waxa ay sheegayaan in qaar kamid ah dhalinyarada lamarin habaabiyay ee shabaabka daacada u ah in ay saaka amreen gabi ahaanba in ganacsiga Halgan iyo Waab-weyne lahakiyo, iyaga oo ku andacoonaya in ay baarayaan ragii kadabeeyay weerar gaadma ah oo mid katirsan kooxda Shabaab lagu khaarijiyay habeenkii xalay ahaa.

“Xiritanka ganacsigu waa mid saameeyay dadka deegaanada Halgan iyo Waab-weyne, waxaana saaka amar nagu siiyay in aan ganacsiga joojino Al-shabaab,” sidaa waxaa yiri mid kamid ah ganacatada deeganada Shabaabku ay ganacsigii kakala dhantaaleen.

Kooxaha ku hardama siyaasada Soomaaliya ayaa iyagu waxa ay inta badan ku tuntaan xuquuqda shacabka ku nool meelaha ay kataliyaaan, waxa ayna ku sameeyaan wax kasta oo bini aadninimada kadhan ah, waxaana lagu sheegaa Soomaaliya mid kamid ah dalalka ugu horeeya ee xuquuqda aadanaha aan daryelin.

www.keydmedia.net




Warar 20 February 2021 1:45

Safaaradda Mareykanka ayaa sheegtay in dad gaaraya 20 qof ay ku dhimatay dagaalka Muqdisho, inkastoo macluumadka ay Keydmedia Online haleysa sheegaya in ku dhawaad 60 qof ay ku dhinteen.