Gen. Diini ”Dhalinyarada Al-Shabaab ha kusoo biiraan Dowlada”

Muqdisho (KON) Dowlada Soomaaliya ayaa mar kale ku celisay baaqeedii ahaa in dagaalyahanada Al-Shabaab ay isku soo dhiibaan dowlada oo ay hubka dhigaan.

Warar Keydmedia Online
26 December 2012

Taliyaha ciidamada xooga dalka Soomaaliyeed Gen. C/qaadir Sheekh Cali Diini oo la hadlay warbaahinta ayaa wuxuu sheegay in dhalinyarada shabaab ku jira ay wanaagsan tahay inay kusoo biiraan dhanka dowlada Soomaaliya.

C/qaadir Sheekh ayaa sheegay in dowlada Soomaaliya ay diyaar u tahay in ay soo dhowayso dagaalyahanada Al-Shabaab hadii ay ku soo biiraan dowlada Soomaaliya.

Wuxuu sheegay in dowlada Soomaaliya ay cafis horay ugu fidisay dhalinyaradaan isla markaana loo baahanyahay xiligaan in ay ka faa’iideestaan cafiskaasi.

Taliyaha ayaa sheegay in dhalinyarada iminka dagaalka wada ay dib uga shanlayn doonaan waqti un markii dalka uu gaaro horumar ballaaran aqoon la’aanta haysata iminka,isaga oo dardaaran ugu jeediyay dhalintaasi inay joojiyaan dagaalka.

Keydmedia Online Xafiiska Muqdisho