Gudoomiyaha Baarlamaanka oo La Kulmay Xildhibaanadii Hore

Gudoomiyaha Baarlamaanka Dowladda Soomaaliya Prof. Maxamed Cusmaan Jawaari ayaa maanta magaalada Muqdisho kula kulmay Xildhibaanadii hore ee Baarkamaankii KMG.

Warar Keydmedia Online
3 October 2012

Kulankaan oo ka dhacay xarunta golaha shacabka ee magaalada Muqdisho ayaa waxaa ka soo qeyb galay Xildhibaanadii hore iyo sidoo kale Gudoomiyaha Baarlamaanka.

Xildhibaanadii hore ayaa Gudoomiyaha Baarlamaanka Jawaari u gudbiyay codsi ku aadan dhowr qodob oo ay kamid yihiin in la suggo amaankooda iyo in la siiyo xuquuq lacageed oo wali ka maqan.

Gudoomiyaha Baarlamaanka Maxamed Cusmaan Jawaari ayaa ballan qaaday inay baadi goobayaan xuquuqda ka maqan mudanayaasha iyo sidii loo sugi lahaa amaankooda kadib markii ay sidaasi codsadeen.

Keydmedia Online -Xafiiska, Muqdisho