Guriga Wasiir ka tirsan maamulka Faroole oo la weeraray

Garawe(keydmedia) Waxaa xalay gudaha magaalada Garawe Bam lagu weeraray guriga uu magaaladaasi ka daganaa Wasiirka warfaafinta maamulka Faroole C/xakiin Axmed Guuleed.
Warar Keydmedia Online
Guriga Wasiir ka tirsan maamulka Faroole oo la weeraray

Qaraxaasi ayaa waxaa ku geeriyooday 5 ka mid ah ilaalada C/xakiin iyadoona ay ku dhaawacmeen qaraxaasi dad kale oo aan tiradooda la ogaan, waxaana qaraxani uu walaac badan galiyay ammaanka Garawe.

Weerarakan ayaa ah kii 2-aad ee ka dhaca deegaanada uu ka taliyo Faroole mudo 12-saacadood gudahood, waxaana qarax shalay galinkii danbe ka dhacay Boosaaso ku geeriyooday 4 askari oo ka tirsanaa ciidamada Faroole.

Dadka qaarkood ayaa aaminsan in qaraxyadan soo laalaabtay ee ka dhacaya deegaanada uu ka taliyo Faroole ayaa waxaa loo aaneynayaa cuqubo laga dhaxlay xasuuqa iyo isir faquuqa ay maamulka Faroole ku hayaan shacabka Soomaaliyeed.

 www.keydmedia.net