KG dib u ceshatay dadkeeda lagu soo xumeeyay Laascaanood

Kumanaan qof oo kasoo jeeda Koonfur Galbeed ayaa laga soo cayriyay Laascaanood, kuwaasoo hadda ku ku sugan Puntland.

Warar Keydmedia Online
KG dib u ceshatay dadkeeda lagu soo xumeeyay Laascaanood

BAYDHABO, Soomaaliya - Waxaa Maanta oo Sabti ah degmada Baydhabo gaarey qeybtii ugu horeysay dadka laga soo barakaciyay dhawaan magaaladda Laascaanood, xarunta G/Sool.

Wasiiro katirsan maamulka Koonfur Galbeed ayaa sheegay inay Gaalkacyo diyaarad uga soo qaadeen illaa 21 qoys, oo caruur wata, waxaana billaabatay daad-gureynta dadkii Somaliland sida xun ula soo dhaqantay.

Madaxweyne Lafta-Gareen ayaa gudi wasiiro ah u xilsaarey dib usoo celinta kumanaan qof oo degaanada Puntland la keenay, iyadoo loo kireeyay diyaarado kasoo qaada Gaalkacyo.

Faquuq iyo isir sooc ayay Somaliland ku sameysay dadka kasoo jeeda Koonfur Galbeed, kuwaasoo mudo 20 sano ka badan ku noolaa Laascaanood, oo ku dhaleen caruur maanta qaangaar ah.

Somaliland waxay tuhmaysaa in dadka ay qeyb ka yihiin amni darada magaaladda ka jirta, oo la rumeysan yahay inuu ka yimid fashil dhanka maamulka Hargeysa, oo aan degaanka laga taageersanayn wax badan.

KEYDMEDIA ONLINE

Commenting is not available in this channel entry.
Warar 24 October 2021 7:50

Wadaadka xiriirka xooggan la leh kooxo diimeed ka jira Iran, Shaakir, wuxuu ku soo duulay degaan nabad ah oo nidaam dowladnimo iyo kala danbeyn amni ku naalloonaya, wuxuuna muddo dheer oo kataabo garbaha u surnaayeen kadib cagta saaray jidkii Xasan Dhaahir Aweys, ee qori kursi ku doonka ahaa.