KG iyo Galmudug oo soo geba-gabeeyay doorashada

Galmudug iyo Koonfur Galbeed ayaa ka baxay khatartii xayiraadda safarka Mareykanka, taasoo hadda ku foorarta Deni, Axmed Madoobe iyo Guudlaawe.

News Keydmedia Online
KG iyo Galmudug oo soo geba-gabeeyay doorashada

MUQDISHO, Soomaaliya - Galmudug ayaa Gaalkacyo kusoo gaba-gabeeysay doorashaddii xubnaha ugu matali doono Baarlamaanka 11aad ee Soomaaliya, oo doorashadii dhibaato laga maray.

Saddex Xildhibaan oo kala ah - Xuseen Axmed Culusow, Sahro Colaad Cabdi iyo Shamso Cilmi Xasan ayaa lagu doortay Koonfurta Gaalkacyo, waxayna ugu dambeeyeen 45 Xildhibaan oo Galmudug laga soo doortay.

Koonfur Galbeed ayaa Maanta 7 kursi ku dooratay Baydhabo, kuwaasoo ugu dambeeyay liiska 69 mudane oo ku matelaya Baarlamaanka, waxaana labada Maamul Madaxdooda ka badbaadeen xayiraadda Mareykanka, maadaama ay kusoo dhameeyeen doorashadda waqtigeeda, 15-ka March.

Xildhibaanada Baydhabo lagu doortay Maanta:

1 - Xaawo Sokor Cali

2 - Maxamed Abuukar Cabdi

3 - Janeraal Mahad Cabdiraxmaan Aadan [Shub]

4 - Isaaq Cali Subag

5 - Cumar Cali Isaaq Balash

6 - Maryan Macalin Isaaq

7 - Maxamed Keerow Maxamed

Koonfur Galbeed ayaa noqotay maamulkii ugu horreeyay shanta Maamul Goboleed, ee soo geba-gabeeya doorashadooyinka Gollaha Shacabka. Waxaana ka horeeyay Somaliland iyo Beelaha Banaadiriga

KEYDMEDIA ONLINE

Commenting is not available in this channel entry.