Kulankii Beesha caalamka iyo Madaxweyne Farmaajo

Nuxurka kulankii ku dhex maray xarunta Villa Somalia madaxweyne Farmaajo iyo Beesha caalamka ayaa lagu sheegay laba qodob oo aad muhiim u ah.

Warar Keydmedia Online
Kulankii Beesha caalamka iyo Madaxweyne Farmaajo

MUQDISHO, Soomaaliya - Inkastoo Warbaahinta ku hadasha Afka dowladda ay sheegeen in madaxweynaha uu uga warbixiyay dar-dar gelinta howlaha doorashooyinka, loogana mahad celiyay shaqada hufan ee uu qabtay, ayaa waxaa soo baxaya nuxurka wada-hadalladii beesha caalamka iyo madaxweyne Farmaajo oo intaa ka weynaa in uu uqabsoomo.

Wakiilka ergayga gaarka ah ee xoghayaha guud ee QM u qaabilsan Soomaaliya James Swan ayaa shaaciyay qodobadii ugu muhiimsanaa ee maanta looga hadlay shirkii ku dhexmaray beesha caalamka iyo madaxweyne Farmaajo xarunta dowladda federaalka Soomaaliya ee Villa Somalia.

Wakiilka ayaa sheegay in laba qodob oo muhiim ah looga hadlay kulanka, wuxuu shegay:

  1. Taageerada dheer ee ay u hayaan  beesha caalamka dowladda Soomaaliya iyo dadkeedaba, iyo

  2. In la xalliyo cakirnaanta ka taagan weli doorashooyinka Soomaaliya oo buuq badan uu hareeyay.

Ma jiro war murtiyeed kasoo baxay shirka soo dhammaaday ee labada dhinac ku dhexmaray Villa Somalia, balse waxay u badan tahay in lasoo saari doono nuqul kamida warmurtiyeedka, Keydmedia Online waxay idinla wadaagi doontaa macluumaadka kulankaasi la xiriira, markii aan helno xogo lagu kalsoonaan karo oo ku saabsan shirka soo gabagaboobay ee labada dhinac ku dhex maray Villa Somalia.

KEYDMEDIA ONLINE

Commenting is not available in this channel entry.