Laba Xildhibaan oo kamid noqonaya Golaha Wakiilada Soomaaliland oo la dhaariyay

Labadan xildhibaan ayaa kamid noqonaya Golaha Wakiilada maamulka iskiis goonida isu taagay ee Soomaaliland, waxaana muddo xileedka golaha wakiilada Soomaaliland ka harsan waqti aad u yar.

Warar Keydmedia Online
Laba Xildhibaan oo kamid noqonaya Golaha Wakiilada Soomaaliland oo la dhaariyay

HARGEYSA - Soomaaliya: Guddoomiyaha Maxkamadda Sare ee Jamhuuriyadda iskeed isku magacawday ee Somaliland ayaa dhaariyey laba xildhibaan oo ka mid noqonaya golaha Wakiilada Somaliland. Labadan Xildhibaan ayaa lagu kala magacaabaa:

  1.  Xil. Axmed Cabdi Muuse Cige oo buuxiyey booskii xildhibaan-nimo ee uu ka geeriyoodey AUN Marxuum Xil. Cabdikariin Aw-Cali Shabeel iyo
  2.  Xasan Xuseen Maxamed Yoonis oo isna buuxiyey booskii xildhibaan-nimo ee uu ka geeriyoodey Marxuum Xil. Axmed Cabdi Kaahin.

Golaha wakiilada Somaliland aya waxaa dhawaan ka geeriyooday laba xildhibaan oo kamida golaha wakiilada kuwaasoo ay noqotay in lasoo buuxiyo booskoodii, waxaana guddoomiyaha maxkamadda sare ee Somaliland uu u dhaariyay labadan xildhibaan in ay buuxiyaan booska labada marxuum ay banneeyeen, islamarkaana ay u adeegaab bulshada ay ku matalaan golaha.

KEYDMEDIA ONLINE

Commenting is not available in this channel entry.