Madaafiic Buulabarde lagu Weeraray

Buulabarde (KON) - Maleeshiyaadka Kooxda Al-shabaab ayaa Xalay Weerar Madaafiic ah ku Qaaday Saldhig Ciidamada AMISOM iyo kuwa Dowladda Soomaaliya ay ku leeyihiin Degmada Buulabarde ee Gobolka Hiiraan.

Warar Keydmedia Online
7 April 2014

Wararka ayaa sheegay in ilaa iyo 10 Gantaal Al-shabaab ay ku Garaaceen Saldhig Ciidamada ay ku leeyihiin Bartamaha Magaalada Buulabarde.

Goobjoogeyaal ayaa Keydmedia online u sheegay  in Madaafiicda ay geeystay Khasaaro Dhimasho iyo Dhaawac ah oo soo gaaray Ciidamada AMISOM iyo kuwa Dowladda Federaalka Soomaaliya.

Sidoo kale Ciidamada AMISOM ayaa ka Jawaabay Madaafiicda Xalay Al-shabaab ay ku soo weerareen Saldhiga Degmada Buulabarde oo ay Gacanta ku hayaan Ciidamada Soomaaliya iyo AMISOM.

Tan iyo Markii Al-shabaab laga Saaray degmada Buulabarde ayaa waxaa ka dhacay Degmada Weeraro iyo Qaraxyo,Ayadoona La Xasuusto Qarax Ismiidamin ah oo Dad badan ay ku dhinteen uu ka dhacay Degmnada.

Keydmedia Online - Xafiiska Muqdisho