Masuulyiintii Shabaab ee Baardheere oo Isaga Huleelay Degmadaasi

Baardheere (KON)- Wararka ka imaanaya degmada Baardheere ee gobbolka Gedo ayaa soo sheegaya in masuulyiintii Al shabaab ee mudooyinkii ugu dambeeyay ku suggnaa degmadaasi ay xalay halkaasii isaga huleeleen, inkastoo aysan cadeyn sababta.
Warar Keydmedia Online
Masuulyiintii Shabaab ee Baardheere oo Isaga Huleelay Degmadaasi

Wararka ayaa sidoo kale soo sheegay in masuulyiinta ay u soo jiheysteen dhanka degmada Bu'aale ee xarunta gobbolka Jubbada Dhexe.

Degmada Baardheere oo ah magaalada ugu weyn ee ay Shabaab ka heystaa gobbolka Gedo, ayaa waxaa hadda ku soo wajahan culeysyuo fara badan oo kaga imaanaya Ciidamada Dowladda Soomaaliya iyo kuwa AMISOM ee Kenya.

Keydmedia Online -Xafiiska, Kismaayo