Mid kamid ah Ergadii Ansixisay Dastuurka Cusub oo Muqdisho lagu dilay

Muqdisho (KON) - Waxaa xalay degmada Kaaraan ee gobbolka Banaadir lagu dilay mid kamid ah ergadii ansixisay Dastuurka cusub ee Soomaaliya.
Warar Keydmedia Online
Mid kamid ah Ergadii Ansixisay Dastuurka Cusub oo Muqdisho lagu dilay

Ninka la dilay ayaa lagu magacaabi jiray Cali Maxamed waxaana uu kamid ahaa ergadii ansisay Dastuurka maalmo ka hor lagu ansixiyay magaalada Muqdisho.

Dilkaan ayaa waxaa geystay kooxo bastoolado ku hubeysanaa kuwaasoo markii ay dilka geysteen baxsaday.

Marxuum Cali waxa uu ahaa nin caan ka ah degmada Kaaraan, waxaana uu xubin ka ahaa ergadii dhowaan Muqdisho ku ansixisay dastuurka cusub ee Soomaaliya.

Warar soo baxaya ayaa sheegaya in kooxaha dilkaan geystay ay ka tirsanyihiin Maleeshiyaadka kooxda Shabaab.

Sikastaba, maalmo ka hor ayay ahayd markii Maleeshiyaadka kooxda Shabaabka ay u hanjabeen inay bartilmaameysan doonaan cid kasta oo gacan ka geysatay ansixinta Dastuurka cusub ee Soomaaliya.

Keydmedia Online - Xafiiska, Muqdisho




Warar 25 November 2020 19:57

Madaxweynaha ayaa ku fashilmay siyaasadda, hirgelinta Federaalka, amniga iyo qabashadda doorasho qof iyo qof ah oo uu balan-qaadey markii la doortay 4 sano kahor.