Nabadsugida oo soo bandhigay Horjooge ay ku Dileen Muqdisho

Muqdisho(KON)-Ciidamada Nabadsugida Qaranka Soomaaliya ayaa sheegay in ay Dileen mid ka mid ah Ragii Dilay Sargaalkii Turkiga ahaa, ee lagu Dilay Dhawaan Isgooyska KM4 ee Magaalada Muqdisho.
Warar Keydmedia Online
Nabadsugida oo soo bandhigay Horjooge ay ku Dileen Muqdisho

Howlgal ay Ciidamada Nabadsugida Qaranka ka Sameeyeen Magaalada Muqdisho ayaa waxaa u suuro galay in ay Dilaan Shaqsi lagu sheegay in uu ka mid ahaa Kooxdii Dishay Sargaal Turki ah oo Muqdisho lagu Dilay.

Sargaal u hadlay Nabadsugida ayaa sheegay in Kiiskaa Mudo ay ku dabajoogeen Ciidamada Nabadsugida islamarkaana hada ay Dileen Horjooge ka tirsan Al-shabaab oo la dagaalamay Ciidamada Dowladda Soomaaliya Xiligii uu socaday Howlgalka.

“waxaan sidoo kale aan qabanay Qori aan la maqlin  Dhicitaankiisa oo uu watay Horjoogaha, Gaari Nooho ah,waxaan haynaa Cadeymo kale oo Raga maqan aan ku baadi goobeyno”ayey Tiri Nabadsugida.

Saraakiisha Ciidamada Dowladda Soomaaliya ayaa hore u sheegay in ay ku raad joogaan Dilka Sargaal u dhashay Dalka Turkiga oo lagu dilay Magaalada Muqdisho.

Keydmedia online – Xafiiska Muqdisho