Nin qaraxyada ku dhejin jiray baabuurta Muqdisho oo la xukumay

Mustaf Maxamed waxuu ahaa xubin fir-forcoon oo gudaha Al-Shabaab laga yaqaaney, isagoo u qaabilsanaa inuu qaraxyada ku dhejiyo baabuurta Saraakiisha Dowladda, Dadka Caanka ah iyo Suxufiyiinta.

Warar Keydmedia Online
Nin qaraxyada ku dhejin jiray baabuurta Muqdisho oo la xukumay

MUQDISHO, Soomaaliya - Maxkamadda Ciidamada Qalabka Sida ayaa maanta xukun xabsi daa'in ah ku riday Mustaf Maxamed [Abu Cabdalla], kadib markii lagu helay dembi ah inuu 8 baabuur uu ku dhejiyay qaraxyo, kuwaasoo ku qarxay gudaha Muqdisho, balse aan khasaaro nafeed geysan.

Ninkan ayaa horey usoo qaatey 5 sano oo xabsi ah, waxaana lasii daayay sanadkii 2018, balse dib ugu laabtay Al-Shabaab markii uu xoriyadiisa dib u helay, waxaana markale lasoo qabtay sanadkii tagey 2019, kadib markii taleefoon numbarkiisa laga helay miino wadada lagu aasay.

KEYDMEDIA ONLINE

Commenting is not available in this channel entry.