Olole ka dhan ah Axmed Madoobe oo ka socda Muqdisho

Odayaal dhaqameed iyo siyaasiyiin ka soo jeeda Maamulka Jubbaland ayaa cabsho ka dhan ah Axmed Madoobe u gudbiyay Wasiirka Wasaaradda Arrimaha Gudaha, Federaalka iyo Dib-U-Heshiisiinta XFS.

Warar Keydmedia Online
Olole ka dhan ah Axmed Madoobe oo ka socda Muqdisho

MUQDISHO, Soomaaliya -, Wasiirka Wasaaradda Arrimaha Gudaha, Federalka iyo Dib-u-hishiisiinta XFS Jeneraal Mukhtaar Xuseen Afrax, ayaa xafiiskiisa ku qaabilay odayaal dhaqameed iyo siyaasiyiin gadood ah oo ka soo jeeda degaannada Jubbaland waxayna u gudbiyeen cabasho ay ka qabaan Madaxweynaha Maamulkaas.

Madaxwenaha Dowlad Gobolkeedka Jubbaland, Axmed Maxamed Islaam, ‘Madoobe’ ayaa la kulmaya cadaadis xooggan oo kaga imaanaya beelaha dega Jubbaland, kadib markii uu dhawaan gacantiisa ka baxay Gobolka Gedo.

“Odayaal  dhaqameedka beelaha dega Julabaland iyo siyaasiinta ka soo jeeda maamlkaas  ayaa u gudbiyay  Wasiirka Wasaaradda cabashooyin  ku aaddan sida ay ku dhisantahay  Dowlad Goboleedka Jubaland”. Ayaa lagu yiri war ka soo baxay Wasaaradda arrimaha gudaha ee Dowladda Fadaraalka.

Odayaashaan cabashada u gudbiyay Wasiir Mukhtaar ayaa sheegay in ay doonayaan “maamul lagu dhiso si wada ogal  ah, damaanad  qaadi  kara  nabad galyadooda  iyo isku haynta wada jirkooda iyo horumarkooda, shacabka ku dhaqan maamulka Jubaland”.

Waraaq ka soo baxday Madaxtooyada Soomaaliya 14-kii Jun 2020, ayaa Axmed Madoobe loogu aqoon saday Madaxweyne ku meel gaar ah oo muddadiisu ku eg tahay labo sano, hayeeshee Madoobe ayaa middaas gaashaanka u duruuray.

KEYDMEDIA ONLINE  

Commenting is not available in this channel entry.