Qoor Qoor oo magacaabey Guddoomiyaha Maxkamadda Sare

Wareegto kasoo baxday Xafiiska Madaxweyne Qoorqoor ayaa waxaa xilka Guddoomiyaha Maxkamadda sare loogu magacacabay inuu nqodo Cabdullaahi Maxamuud Gacal.

Warar Keydmedia Online
Qoor Qoor oo magacaabey Guddoomiyaha Maxkamadda Sare

DHUUSAMAREEB - Madaxweyne Qoor Qoor ayaa Maanta u magacaabey Cabdullaahi Maxamuud Gacal inuu noqdo gudoomiyaha Maxkamadda Sare ee Galmudug, waxaana isla markiiba lagu dhaariyay xarunta Madaxtooyadda.

“Waxaa galabtay madaxweynaha Galmudug uu magacaabay, isla markaana lagu dhaariyey madaxtooyada guddoomiyaha Maxkamadda sare ee dawladda Galmudug Md. Cabdullaahi Maxamuud Gacal oo 45-kii sano ee la soo dhaafay Garsoorka dalka ka mid ahaa. Galmudug waxaa u buuxsamay tiirkii 3-aad ee hey’adaha dawladnimada oo baahi weyn loo qabay” ayuu yiri Wasiirka Amniga Galmudug Axmed Macalin Fiqi.

Guddoomiyaha Cusub ayaa 45-tii sanno ee la soo dhaafay uu kamid ahaa xubnaha Garsoorka dalka Soomaaliya, isagoo leh qibrad shaqo iyo aqoon durugsan oo dhinaca sharciga, sida lagu sheegay wareegtada Qoor Qoor.

Cabdullaahi ayaa 2 maalin kahor iska casiley xeer ilaaliyaha guud ee HirShabeelle, kahor inta uusan tagin Dhuusamareeb, oo xilka Sare Qoor Qoor u magacaabin.

KEYDMEDIA ONLINE

    Commenting is not available in this channel entry.