Qorshe lagu tilmaamay Ciribtirka Al-shabaab oo ka socda Gobolada Dhexe

Muqdisho (KON) - Afhayeenka Maamulka Ahlu Sunna Sheekh C/Raxmaan Abuu Yuusuf Al-qaadi oo warbaahinta la hadlay ayaa sheegay in ay dhawaan soo af jari doonaan Dagaalada ku soo laa laabanaya gobolada dhexe gaar ahaan Gobolka Galgaduud ee u dhaxeeya Ciidamada Al-shabaab iyo Kuwa Ahlu Sunna.
Warar Keydmedia Online
Qorshe lagu tilmaamay Ciribtirka Al-shabaab oo ka socda Gobolada Dhexe

Afhayeen Al-qaadi ayaa sheegay in ay guud ahaan Gobolada Dhexe ay ka tir tiri doonaan Gobolada Dhexe haraadiga Al-shabaab, iyadoona uu tilmaamay In ay Maamulka Ahlu Sunna ay diyaariyeen qorshe aysan al-shabaab dib ugu soo laaban doonin Gobolada Dhexe.  

Abuu Yuusuf Al-qaadi ayaa sidoo kale sheegay in ay diyaariyeen ciidamo aad u fara badan oo qeyb ka ah kuwo ka qeyb qaadanayo qorshahaani lagu sheegay in looga ciribtirayo Al-shabaab Gobolada dhexe gaar ahaan Gobolka Galgaduud.

"Waxaan dhawaan ku dhaqaaqi doonaa qorshe ay soo diyaariyeen Maamulka Sare ee Ahlu Sunna, qorshahaasina waa in dhamaan Gobolada dhexe laga Dhex arkin Al-shabaab, waxaan qorshahaasi u diyaarinay ciidamo aad u fara bada, ayuu yiri Afhayeenka Maamulka  Ahlu Sunna Sheekh C/Raxmaan Abuu Yuusuf Al-qaadi.

Hadalka ka soo baxaya maamulka Ahlu Sunna ee gobolada Dhexe ayaana aheyn Mid ku cusub dhegaha bulshada Soomaaliyeed,waxaana mar waliba ay sheegaan in ay dagaalo Xoogan ku qaadi Doonaan Al-shabaabka ku sugan Gobolada dhexe ee Soomaaliya.

Keydmedia Online - Xafiiska Muqdisho




Warar 20 February 2021 1:45

Safaaradda Mareykanka ayaa sheegtay in dad gaaraya 20 qof ay ku dhimatay dagaalka Muqdisho, inkastoo macluumadka ay Keydmedia Online haleysa sheegaya in ku dhawaad 60 qof ay ku dhinteen.