Raysal wasaare Shirdoon iyo wasiiro ka tirsan xukuumadiisa oo gaaray Gedo

Muqdisho (KON) Raysal wasaaraha Soomaaliya Cabdi Faarax Shirdoon Saacid ayaa gaaray gobalka Gedo isaga iyo xubno kamid ah wasiirada xukuumadiisa oo maalmahan booqasho ku maraye gobalada dalka.
Warar Keydmedia Online
Raysal wasaare Shirdoon iyo wasiiro ka tirsan xukuumadiisa oo gaaray Gedo

Cabdi Faarax Shirdoon Saacid ayaa ka dagay garoonka diyaaradaha ee magaalada Garbahaareey halkaasi oo ay kusoo dhaweeyeen maamulka gobalka Gedo iyo shacab badan.

Wasiirada arimaha gudaha iyo gaashaandhiga ayaa la socda Raysal wasaaraha Soomaaliya iyadoo shacab badan ay kusoo dhaweeyeen magaalada.

Raysal wasaare Saacid ayaa kulamo kala duwan la qaadan doono maamulka gobalka Gedo iyo sidoo kale shacabka degmada Garbahaareey ku nool.

Shalay ayuu tagay degmada Jowhar halka jimcihii uu kasoo noqday magaalada Kismaayo ee xarunta gobalka Jubadda Hoose.

Keydmedia Online Xafiiska Muqdisho