Roob ka da’ay Muqdisho oo saameyn yeeshay

Qoysaska Barakacayaasha ayaa xiligii uu roobka da’ayay raadsaday meelo ay ka galaan dhibcaha Roobka iyo qabowga uu wato, kadib markii guryahooda ku rogmaday daadadka biyaha.

Warar Keydmedia Online
Roob ka da’ay Muqdisho oo saameyn yeeshay

MUQDISHO, Soomaaliya - Magaalada Muqdisho waxaa xalay saqdii dhexe ka da’ay roob xooggan oo midka Deyrta ah, oo saacado socday, kaasoo saameyn weyn ku yeeshay isku socodkii dadweynaha iyo dadka barakacayaasha ah, oo guryahooda biyo buuxsameen.

Roobka ayaa jaray waddooyin muhiim ah oo magaalada Muqdisho, waxayna taasi keentay in gaadiid badan ay ka baqaan ku socoshada biyaha. Dadka barakacayaasha ah ayaa u baahan gurmad degdeg ah oo waliba dhan walbo ah, waxaana hadda ugu daran meel ay gambaad ka dhigtaan si iyaga iyo carruutooda aanu u saameyn roobka kale ee imaan kara.

KEYDMEDIA ONLINE

Commenting is not available in this channel entry.