Sanchez oo ku riyoonaya in uu u ciyaaro Barcelona.

Keydmedia Sport) - Alexis Sanchez oo u dheela kooxda Udenese ee dalka Talyaaniga ayaa waxa uu shaaciyay in uu jecelyahay in uu noqdo ciyaaryahanka ugu wanaagsan ee aduunyada, uuna xilligaan uu aad u jeclaan lahaa in uu u dheelo kooxda Barcelona oo ah xilligaan koox loo aqoonsanayahay kooxda ugu wanaagsan kooxaha kubada cagta aduunyada.

Warar Keydmedia Online
27 June 2011

Ciyaaryahankaan oo kasoo jeeda dalka  Chile ayaa waxa uu shaaciyay in  uu jeclayahay maalinba maalinta ka danbeysa in uu hor mariyo qaab ciyaareedkiisa.

“waxaan doonayaa doonayaa in aan ku guuleesto koobab badan, hadafkeyga koowadna waakaa, waxaana taa ii sahli kara u dheelida Barcelona,” sidaa waxaa yiri Alexis Sanchez

Alexis Sanchez oo 22-sano jir ah ayaa waxa uu weerarka uga dheelaa kooxda Udenese isaga oo sheegay in xilli ciyaareedka soo socda kahor uu daneynayo in uu gaaro garoonka ay ku ciyaarto Barcelona ee dalka Spain.

Inkasta oo ciyaaryahanku uu daneynayo Baarcelona waxaa si aad ah u doondoonaya kooxda Manchester City ee dalka Ingiriiska.

Gino Pozzo, oo ah wiil uu dhalay milkiilaha kooxda  Udinese, Giampaolo Pozzo, ayaa dhawanahaan waxa uu sheegay in aysan jirin wax ku qasbaya  Sanchez in uu ugu wareego kooxaha  Barcelona ama Manchester City.

Keydmedia Sport