Al-shabaab oo Saraakiil looga dilay duqeymo

Dowladda Mareykanka ayaa kordhisay howlgallada military ee Soomaaliya tan iyo markii Trump la doortay sanadkii 2016.

Warar Keydmedia Online
Al-shabaab oo Saraakiil looga dilay duqeymo

MUQDISHO, Soomaaliya - Labo Sarkaal oo katirsanaa Al-Shabaab ayaa lagu dilay duqeymo diyaaradeed oo ka dhacay maanta gobollada Jubbada Dhexe iyo Shabeellaha Hoose.

Duqeynta koowaad waxaa laga fuliyay degaanka Haaway, waxaana ku dhintay Sarkaal lagu Magacaabi jiray Daahir Macalin iyo Xubno kale oo isaga kula sugnaa xero ay Al-Shabaab halkaasi ku leedahay.

Waxyar kadib, waxay diyaaradaha sidoo kale duqeeyeen goob kale oo ku taalla duleedka degmada Sablaale, ee gobolka Shabeellaha Hoose oo Al-Shabaab ay kasoo abaabusho weerarada Muqdisho.

Sida Keydmedia Online u sheegeen dadka degaanka, howlgalka cirka lagu khaarijiyay ku-xigeenka Al-Shabaab oo lagu Magacaabi jiray Axmed Nuur, waxaana wali la ogeyn dalka laga leeyahay diyaaradaha.

Mareykanka ayaa beegsi ku haya Saraakiisha Al-Shabaab, iyadoo uu ka dilay hogaamiyeyaal sare oo kamid ah Axmed Godane, kaasoo ku dhintay duqeyn ka dhacday duleedka Baraawe September 1, 2014.

KEYDMEDIA ONLINE

    Commenting is not available in this channel entry.