Shariif iyo Sharma’arke oo khilaaf kadib is macsalaameeyay

Muqdisho(Keydmedia) Cumar C/rashiid Cali Sharma'arke ayaa maanta si rasmi ah uga dhawaaqay munaasabad ka dhacday gudaha xarunta madaxtooyada inuu isaga tagay xilkii R.wasaarenimada Soomaaliya.

Warar Keydmedia Online
21 September 2010

Mr Sharmarke oo la hadlay warbaahinta ayaa sheegay inuu tanaasulay si khilaafka daba dheeraaday ee dowlada dhexdeeda ah uu u soo afjarmo, isagoona sheegay is casilaadiisa in ay ka danbeyso arimo badan, waxaana uu u hanbaleeyay madaxda Dowlada in ay xilkooda gutaan.

Madaxweyne shariif oo isna goobta ka hadlay ayaa ugu hanbaleeyay R.wasaaraha tanaasulaadka uu sameeyay waxaana uu balan qaaday in xili dhaw uu soo magacaabi doono R.wasaaraha badali lahaa Cumar.

Saadaaliyaasha Siyaasadu waxa ay ku warameen in is casilaadan ay horseedi karto isbadal deg deg ah inuu dalka ka dhaco isla markaana ay dowlada dar dar hor leh la soo baxdo.

Wararku waxa ay sheegayaan in Xilka R.wasaarenimo uu shariif u magacaabi doono mid ka mid ah Qurba joogta Soomaaliyeed walow wararka qaar ay sheegayaan in C/wali cilmi goonjeex ama Maslax Max'ed Siyaad Barre loo magacaabi doono Xilkaasi.

www.keydmedia.net