Shirdoon” Xukuumadu wali waxay baaraysaa dadkii lagu dilay Muqdisho”

Muqdisho (KON) Xukuumada Soomaaliya ayaa sheegta in uu wali socdo baaritaano ku aadan dadkii lagu dilay magaalada Muqdisho oo horay xukuumadu gudi ugu saartay in ay soo baaraan arintaasi.

Warar Keydmedia Online
19 March 2013

War ka soo baxay xafiiska Raysal wasaaraha Soomaaliya C/faarax shirdoon Saacid ayaa wuxuu u qornaa sidatan:-

“March 19, 2013”War Saxaafadeed kasoo baxay Xafiiska Raisul Wasaaraha Xukuumadda Federalka Soomaalia oo laxiriira dhacdadii dilka ahayd ee kadhacday Magaalada Mogdisho March 14, 2013.  Dhacdadaasi oo golaha wasiiradu u xilsaareen soo baaristeeda gudi Sadex xubnood ka kooban oo ka tirsan golaha wasiirada.

Gudigaas oo laga sugayay inay golaha jawaab kusoo celiyaan maanta ooy taariikhdu tahay March 19, 2013.

Haddaba Gudigii markay hawshii guda galeen ayaa waxaa u soo baxday inuu u baahan yahay wakhti dheeri ah oo uu  kusoo dhamaysto baaritaankiisii una soo gudbiyo gollaha wasiirada markii arintan uu soo afjaro.

Keydmedia Online xafiiska Muqdisho