Shirka Madaxda Maamul Goboleedyada oo ka furmay Dhuusamareeb

Shirkan ayaa markii hore la filayay inuu furmo Khamiistiis lasoo dhaafay, July 9 balse dib u dhacay kadib markii Madaxda ay tagi waayeen magaaladda Dhuusamareeb waqtigii looga baahnaa.

Warar Keydmedia Online
Shirka Madaxda Maamul Goboleedyada oo ka furmay Dhuusamareeb

MUQDISHO, Soomaaliya - Waxaa goordhaw ka furmay magaaladda Dhuusamareeb shirkii Madaxda Maamul Goboleedyada, kaasoo ay isagu yimaadeen hogaanka shanta Maamul ee ka jirta Soomaaliya, Puntland, Galmudug, HirShabeelle, Koonfur Galbeed iyo Jubaland.

Waa maalintii kowaad ee Shirka, waxaana ajanduhu yahay hadal-jeedinta Madaxweyniyaasha Maamullada, oo khudbadahooda hadda toos u socdaan, iyadoo maalinta berri ah la filayo in kulanka laga soo saaro War-murtiyeed wadajir ah, oo hogaamiyeyaasha shiraya ku shaacin doonaan qodobada ay ku heshiiyeen.

Shirka Wada-tashiga Dhuusamareeb ayaa kusoo beegmaya xili Maamullada iyo Dowladda Federaalka uu u dhaxeeyo Khilaaf siyaasadeed ku salaysan arrimaha doorashadda iyo qeybsiga Khayraadka dalka, sida Shidaalka oo sharcigiisa dhawaan uu saxiixay Farmaajo, iyadoo aan Maamullada laga talo-gelin diyaarintiisa.

Maamulka Farmaajo ayaa ku guuldareystay inuu wada-shaqeyn la yeesho Maamul Goboleedyada, waxayna midaasi sababtay kala qeybsanaan siyaasadeed iyo inay dib u dhacdo doorashooyinkii la qorsheeyay inay November 2020 ka dhacaan wadanka.

KEYDMEDIA ONLINE

    Commenting is not available in this channel entry.
    Warar 25 September 2020 4:10

    Bajaajlayaasha waxaa la dilaa iyaga oo bixinaya canshuurtii dowladda, waana cadaalad daridda ka jirta Muqdisho sida uu Farmaajo xilka ula wareegay oo ku kalliftay dhalinyarro badan in ay gabi ahaamba dalka isaga tagaan.