Tarsan oo u digay Qurba-joogta Dalka kusoo laabatay

Muqdisho (KON) - Guddoomiyaha Gobolka Banaadir, ahna Duqa Muqdisho Maxamuud Axmed Nuur "Tarsan" ayaa ka hadlay Soomaalida qurbaha ka yimid oo siduu yiri "la yimaadeen dhaqamadii xumaa ee dibada yaalay"
Warar Keydmedia Online
Tarsan oo u digay Qurba-joogta Dalka kusoo laabatay

Tarsan ayaa ka digay in Xeebta Liido lagu sameeyo waxyaabo ka soo horjeeda diinta islaamanka.

Maxamuud Axmed Nuur Tarsan ayaa Haweenka Soomaaliyeed oo ka imaada Yurub iyo Mareykanka ku tilmaamay kuwa Dhaqanka iyo Anshaxa ka lumay.

”Dadkiina qurbaha ka yimid dhaqan ma heysaanee ee anshax isku yeela, waxaad arkeysaa Haween dabaal u yimid Badda oo Baridooda ay muuqato" Ayuu yiri Tarsan.

"Qurbo joogta ka timid Mareykanka iyo Yurub, gaar ahaan Mareykan waxay isku heystaan inay dadka kale ka dhaqan wanaagsana yihiin, war dhaqan ma heysaanee adinkaa u baahan in la idin dhaqan celiyo"

"Gabar Jirkeeda soo qaawisay ayaa waxay wiil la dhexmareysaa Xeebta Liido, bal fiiri sida ay anshaxa ugu dheelayaan" ayuu yiri Tarsan

Keydmedia Online - Xafiiska Muqdisho