Turkiga iyo Soomaaliya oo iska kaashanaya dagaalka Al-Shabaab

10-kii sanno ee ugu dambeysay Turkiga waxay galaangal muuqda ku lahayd Soomaaliya, waxayna dowladihii is xig-xigay la wadaageysay xiriir iskaashi, dhaqaale iyo mid dhinaca taageerada ah.

Warar Keydmedia Online
Turkiga iyo Soomaaliya oo iska kaashanaya dagaalka Al-Shabaab

ANKARA - Wasiirka Gaashaandhigga dowladda Soomaaliya Xasan Xuseen Xaaji oo booqasho ku jooga Turkiga ayaa Xarunta Wasaaradda Gaashaandhigga ee dalkaasi kula kulmay dhigiisa, waxayna ka wada hadleen sidii loo xoojin lahaa la dagaalanka Al-Shabaab, loona sii  xoojin lahaa iskaashiga iyo xiriirka wanaagsam ee ka dhaxeeya labada wasaaradood.

Xasan Xuseen ayaa sidoo kale dhigiisa Turkiga ka dalbaday sidii loo kordhin lahaa taageerada iyo tababbarada dowlada Turkiga ay la garab taagan yihiin Ciidamada xoogga Soomaaliyeed, isaga oo uga mahadceliyay taageeradeeda.

10-kii sanno ee ugu dambeysay Turkiga waxuu galaangal muuqda ku lahaa Soomaaliya, waxayna dowladihii is xig-xigay la wadaageysay xiriir iskaashi, dhaqaale iyo mid militeri.

Turkiga ayaa saldhigga ugu weyn caalamka ka dhistay Muqdisho 2017-kii , kaas oo noqday xarunta tababbar lagu siiyo Ciidanka Gorgor ee katirsan xoogga dalka Soomaaliya.

KEYDMEDIA ONLINE

Commenting is not available in this channel entry.