Walaac laga muujiyay fashil ku yimaada Shirka Dhuusamareeb

Wuxuu tilmaamay in Madasha Xisbiyada Qaran ay diyaar u tahay in ay soo dhaweyso tilaabo walba oo looga hadlaayo Arrimaha doorashooyinka Soomaaliya,

Warar Keydmedia Online
Walaac laga muujiyay fashil ku yimaada Shirka Dhuusamareeb

MUQDISHO, Soomaaliya - Madaxweynihii hore ee Soomaaliya, oo haddana kamida hogaanka Madasha Xisbiyada Qaran Xasan Sheekh ayaa maanta ka hadlay arrimo dhowr ah oo ku saabsan wadahadallada DF iyo Maamullada uga socda magaaladda Dhuusamareeb, kuwaasoo la isku mari la'yahay ajandiyaasha.

Isagoo Warbaahinta kula hadlay Xarunta Madasha ee Muqdisho, ayuu sheegay in ay wali ay qabaan walaac ku aadan in aan go’aan mideysan oo ku saabsan doorashada Soomaaliya lagu gaarin Shirka Dhuusamareeb, oo shacabka oo dhanka u dheg-taagayaan.

Walaaca ugu wayn ee Xisbiyada Siyaasadda ayaa ah in wali aysan cadeyn xilliga doorashada dalka ay dhaceyso, iyadoo waqtigeeda rasmiga ahaa lagu sii siqayo, oo 4 bilood ay kahartay, waxaana jira warar sheegaya in Farmaajo uu maleegayo mudo korarsi sharci darro ah.

Maamul Goboleedyada ayaa sheegay inay doonayaan doorasho dadban, oo heshiis lagu wada yahay, halka arintaasi ay DF diidan tahay oo ay ku doodayso inay raacayso sharciga uu Baarlamaanka meel-mariyay ee ah in dalka ka dhaco doorasho qof iyo cod ah.

KEYDMEDIA ONLINE

    Commenting is not available in this channel entry.
    Warar 14 September 2020 23:49

    Keydmedia Online ayaa waxaa soo gaartay nuxurka Shirka Muqdisho ee Dowladda Federaalka iyo Madaxda Maamul Goboleedyada oo goor dhawayd lagu soo kala dareeray maalinkii Labaad.